Уянгата хүгжэм зэдэлүүлнэ

2020 ондо Усть-Ордын гимнази-интернадай нээгдэхэлээр хүүгэдые уран һайханай талаар хүгжөөхэ зорилготой дуунай, хатарай, хүгжэмэй коллективүүд байгуулагдаһан юм.

Тэрэ тоодо «Уянга» гэһэн буряад арадай хүгжэмэй ансамбль бии болоо һэн.

Эндэ гимназиин 8-16 наһатай һурагшад ябадаг. Тэрэнэй хүтэлбэрилэгшэ хүгжэмэй багша Ирина Дамбаева болоно.

Буряад арадай инструментнүүдэй ансамбль хадаа зохёохы ехэ арга боломжотой, үхибүүдэй хүгжэм бүтээхэ хүсэлдэ тон ехэ нүлөө үзүүлээ. Буряад арадай зэмсэг шэнжэлэлгэ эбтэй, уянгата абяануудые гаргажа абаһан үхибүүд арадай урлалай уран һайханай оригиналые һайнаар ойлгодог, арад зонойнгоо оюун сэдьхэлэй баялигта, соёлой үнэтэ зүйлнүүдтэ нэгэдэнэ.

Ансамблиин хүгжэжэ байһан даабаринууд ганса нэмэлтэ хүгжэмэй болбосоролой олдохо бэшэ, харин үхибүүдэй ажалай саашанхи хүгжэлтэдэ хубитаяа оруулна.

Коллективэй репертуар ехэ олон янзын, хабаадагшад арадай хүгжэм, эстрадын хүгжэм, дэлхэйн элдэб арадуудай хүгжэм гэхэ мэтэ элдэб хүгжэмэй жанрнуудта өөрыгөө туршана.

Жэл бүри ансамбль үндэр хэмжээ абажа, элдэб тойрогой, регионой, бүхэроссиин, уласхоорондын мүрысөөнүүдтэ хабаадажа байна. Эрхүү, Байкальск, Новосибирск, Казань, Москва, Улаан-Баатар хотонуудта үнгэрһэн конкурс-фестивальнуудай лауреадуудай, дипломантнуудай нэрэ зэргэнүүдтэ хүртэһэн байна.

– 2023 ондо үндэһэн хубсаһануудые оюулаа һэмди. Актова зал соо репетицимнай болодог. Ансамбльда хоер иочин, гурбан шаанзанууд, бас шаанза, гурбан ятага, синтезатор бии.

Хүгжэмдэ дуратай үхибүүд олон. Репертуарта буряад, монгол арадуудай зохеолнууд байха. «Финская полька», «Ирланский танец», дуратай аялгануудай попурри тоологдоно, – гээд Ирина Гонгоровна хөөрэнэ.

Һаядаа «Уянга» Эрхүү можын хүүгэдэй жэшээтэ коллектив гэhэн нэрэ зэргэдэ хүртэбэ.

Энэ хадаа хүүгэдэй, хүтэлбэрилэгшын хамтын ажал хүдэлмэриин аша габьяа гээшэ.

Хүндэтэ нэрэ зэргээрнь хүгжээмэй ансамблиие амаршалаад, үшөөл олон туйлалтануудые хүсэнэбди!