«Минии юртэмсэ»

гэһэн Оhын хүүгэдэй урлалай һургуулиин багша Марина Прокопьевагай түрүүшын хубиин выставкэ Усть-Ордын үндэhэтэ уран олзоборилгын түбтэ нээгдэбэ.

Тэрэнэй баяр еһололой нээлгэндэ Эрхүү можын губернаторай орлогшо – тойрогой захиргаанай хүтэлбэрилэгшэ Анатолий Прокопьев, Эхирэд-Булагадай, Баяндайн болон Оһын аймагуудай соелой түлөөлэгшэд, хүүгэдэй искусствын һургуулиин үхибүүд, түрэл гаралнуудынь, олон тоото нүхэдынь амаршалгын үгэнүүдые хэлэбэ.

Марина Прокопьева Зүүн Сибириин гүрэнэй болбосоролой академиин хүгжэмэй болон урлалай болбосоролой факультедэй уран зурагай болон методикын таһаг (Эрхүү) 2011 ондо дүүргээ. Оһо тосхоной хүүгэдэй урлалай һургуулиин уран зурагай таһагта багшаар хүдэлнэ. 2015 оной дүнгүүдээр «Соёлой һалбарида нэмэлтэ һуралсалай эрхим багша» гэһэн номинацида тойрогой мүрысөөндэ илагша болоһон байна.

«Эрхимүүдэй эрхимүүд» гэһэн мэргэжэлэй педагогикын шадабариин Зональна мүрысөөнэй 1-дэхи шатын лауреат .

Тэрэнэй зохёохы ажалайнь гол түхэл хадаа уран зурагай ажал болоно. Зохёолнууд соогоо бөө, дархан, наһажаал зоной, үльгэршын дүрэнүүдтэ хандадаг. Уласхоорондын, бүхэроссиин, хизаарай, можын, тойрогой мүрысөөнүүдтэ, үзэсхэлэнгүүдтэ эдэбхитэйгээр хабаададаг.

Сугларагшад бэлигтэй зураашанай элдэб шэглэлэй дүшөөд бүтээлнүүдые хаража, тэрэнэй зохёохы юртэмсэдэ шэнгэхэ аргатай болобо.

Дополнительные фотографии:  Загрузить / Загрузить / Загрузить / Загрузить / Загрузить / Загрузить / Загрузить