Даниил Будеев – 100 клеткэтэй дам наадаар дэлхэйн кубогэй чемпион

Армениин ниислэл хотодо 100 клеткэтэй дам наадаар дэлхэйн Кубогэй 3-дахи шата түгэсэбэ, эндэ Эхирэд-Булагадай можын хоёр тамиршад Даниил Будеев болон Батор Манзаев гэгшэд хабаадаба.

Хоёр программын (рапид болон блиц) дүнгүүдээр Даниил Будеев 18 наһа гүйсөөдүй эдиршүүлэй мүрысөөндэ илаа, блиц мүрысөөндэ хоёрдохи һуури эзэлээ, харин Батор Манзаев блиц мүрысөөндэ гурбадахи һуури эзэлээ. Хүбүүд зургаан медальһаа гурбыень абаа.

Стартда Россиин, Армениин, США-гай, Грузиин 34 хабаадагшад гараа. Хабаадагшадай дунда гроссмейстернүүд Александр Георгиев, Муродулло Амриллаев, Александр Гетманский, Тамара Тансыккужина, Елена Мильшина, тамирай мастернууд Анатолий Татаренко, Василий Куприянов, Алия Аминова, эдиршүүлэй дунда СССР-эй абарга Жумбер Беришвили (Грузи), Армениин олон тооной чемпионууд Ншан Алавердян, Артак Акопят болон бусад.

Гроссмейстер Дмитрий Никифоровай дэргэдэ тамиршад Россиин даам нааданай һургуулида һорилго хэжэ байна. Эрэшүүлэй дунда һоригшо өөрөө дүрбэдэхи һуури эзэлээ.

Уласхоорондын мүрысөөндэ амжалтатай наадаһан хүбүүдые, тэдэнэй һоригшодые амаршалнабди!