Ехэ hургуулиин ойн баяр

Энэ жэлдэ Буряад Улас шухала удхатай үйлэ тэмдэглэгдэнэ: дээдэ һургуулиин классическа болбосоролой байгуулагдаһаар 30 жэлэй ойн баяр.

Эрхим эрдэмтэдэй, эрдэмэй болон болбосоролой хүтэлбэрилэгшэдэй, университедэй хэдэн мянгаад багшанарай асари ехэ ажалай үрэ дүндэ Буряадай гүрэнэй университедэй 1995 ондо Буряадай түрүү дээдэ һургуулинуудай нэгэн, Сибириин болон Алас Дурна зүгэй эгээл томо эрдэмэй-һуралсалай түб боложо байгуулагдаһан байна.

Хэдэн арбаад жэлнүүдэй туршада БГУ болбосоролой, эрдэмэй, хүтэлбэриин, эдэй засагай, элүүрые хамгаалгын, социальна хангалгын болон бусад һалбаринуудта 80 мянга гаран мэргэжэлтэдые бэлдэһэн.

Октябриин 3-да Улаан-Үдэ хотодо классическа дээдэ һургуулиин болбосоролой 30 жэлэй ойдо зорюулагдаһан БГУ-гай Эрдэмэй зүблэлэй ёһололой суглаан үнгэрбэ.

Олон тоото хүндэтэ айлшад ойн баярта ушараар амаршалаа, тэрэ тоодо Эрхүү можын Хуули зохеолгын Суглаанай түрүүлэгшын нэгэдэхи орлогшо Кузьма Алдаров, Усть-Ордын Буряадай тойрогой захиргаанай хүтэлбэрилэгшын туһалагша Чингис Жербаков.

Үни удаан жэлнүүдэй туршада университедые манай округһоо гарбалтай элитэ эрдэмтэн, профессор Степан Калмыков хүтэлбэрилһэн юм.

Мүн лэ манай нютагһаа гараһан бусад эрдэмтэд, багшанар ехэ һургуулиин хүгжэлтэдэ өөһэдынгөө хубитаяа оруулһан юм.