Нютагай харбагшын амжалта

Азербайджанай Ханкенди хотодо үнгэргэгдэһэн СНГ-гэй наадануудта Алайрай харбагша Павел Семёнов гурбан медальда хүртөө.

Командна тоосоондо тэрэ Максим Малафеев (Свердловскын можо), Али Лобашев (Саха-Яхад) гэгшэдтэй хамта алтан медальда хүртөө. Тиихэдэ Александра Цыденоватай (Забайкалиин хизаар) миксээр хүрэл медальда хүртөө. Мүн хубиин тоосоондо мүнгэн медальда хүртөө. Хүтүлиг тосхоной залуу хүбүүн Александр Бадрянов болон Игорь Хаптареев хоер hоригшодой ударидалга доро Олимпиин нөөсын «Тамир» һургуулида һорилго хэнэ.