ГАНЖУР — Индиһээ бэлэг

Усть-Ордын дасанда Энэдхэгэй Буддын шажантанай холбооной бэлэг Ганжур (108 боти Будда багшын үгэнүүд) угтаха баяр ёһолол үнгэргэгдөө.

Дасанай шэрээтэ Зоригто ламхайн хэлэһээр, энэ Буддын шажанай онсо толи, тэндэ Будда багшын һургаал бүхыдөө багтааһан байна.

«Ганжур» уншаха гээшэ өөрөө Будда Шакьямунитай хөөрэлдэһэнтэй адли гэжэ тоологдодог. Буддын шажанай домогоор, Ганжурай текст шабинарынь модон хабтагай дээрэ һиилэһэн байна.

Саашадаа эдэ бэшэгүүдынь Түбэдэй ниислэл Лхасада, дасангуудай нэгэндэ үни удаан хадагалагдажа байгаа.

Ганжуур (түбэдһээ – «үгын оршуулга») Бурхан багшын хэлэһэн үгын оршуулга, тайлбарилга болоно.

Энэ суглуулбари бурханай шажанай, гүн ухаанай, түүхэ, логикын, хэлэ бэшэгэй һалбаринуудта элдэб сэдэбүүдээр бэшэгдэһэн ажалнууд.

Табан хэһэгтэ хубаагдана: 1-дэхи хэһэг – Сударнууд. Тэрээн соонь моральна ба дидактическа удхатай үгэнүүд ороно.

Энээн соо мүн лэ Жатака ороно, тэндэ Бурхан багшын дахин түрэлгын үедэ болоһон үйлэ хэрэгүүд тухай хөөрөөнүүд бии;

2-дохи хуби, Абхидхарма, гүн ухаанай зохёолнуудые агуулна; 3-дахи хубида, Дулвада, Буддын шажантанай бүлгэм эмхидхэхэ ёһо заншалай дүрим табигдана;

4-дэхи хуби, Тантра, өөрыгөө һайжаруулха, өөрыгөө мэдэхэ тухай дурадхалнуудые агуулна; 5-дахи хубида одон орон шудалалгын, тоо бодолгын, анагааха ухаа- най, хэлэ бэшэгэй талаар элдэб уран зохёолой хүшөөнүүд болон трактадууд ороно.

Усть-Ордын дасанай һүзэгшэд Ганжуур нагин Буддын hургаалай номые дасан руу оруулха үсөөн арга боломжодо хүртэбэ.

Дополнительные фотографии:  Загрузить / Загрузить