Тамиршан, багша, хүтэлбэрилэгшын дурасхаалда

Юрэнхы һуралсалай хүндэтэ хүдэлмэрилэгшэ, Россиин Федерациин бэеын тамирай болон тамирай эрхим хүдэлмэрилэгшэ Степан Прокопьевой дурасхаалда зорюулагдаһан хэмжээ ябуулга Усть-Орда хотодо үнгэргэгдэбэ.

Наһанайнгаа 20 гаран жэлые Баяндайн аймагта зорюулжа, багшаар, һургуулиин захиралаар, аймагай болбосоролой хүтэлбэриин даргаар ажаллаһан, аймагай совет болон партиин зургаануудта ажаллаһан намтартай. Саашадаа 2001 ондо УОБАО-гой Тамирай, аяншалгын, залуушуулай бодолгын талаар хорооной түрүүлэгшээр уригдаба. Степан Петрович 2005 онһоо болбосоролой болон залуушуулай бодолгын таһаг хүтэлбэрилжэ эхилээ. Можо тойрог хоёроо нэгэдүүлһэнэйнгээ удаа үндэһэн хэлэнүүдээр һуралсалай таһагые даагшаар ажалайнгаа намтар үргэлжэлүүлээ.

Тэрэниие өөрөө мэдэхэ хүн бүхэн — тамиршад, нүхэдынь, суг хүдэлдэг нүхэдынь, түрэлнүүдынь «Эрдэм» гэһэн тоглолтын танхим соо суглараа. «Степные напевы» гэһэн гүрэнэй ансамблиин тоглолто энэ хэмжээ ябуулгын гол удха болоо. Ород гүрэнэй гимн зэдэлээ.

Айлшадые Усть-Ордын Буряадай тойрогой захиргаанай хүтэлбэрилэгшын орлогшо Андрей Дмитриев, Эхирэд-Булагадай аймагай мэр Геннадий Осодоев, Степан Петровичай хүбүүн Валерий Прокопьев угтан абаа.

– Степан Прокопьев тамиршан, багша, хүтэлбэрилэгшэ гээд мэдээжэ байгаа. Тэрээнтэй нэгэ командада хүдэлһэндөө баяртайбди. Буряад хэлэеэ сахиха, хүгжөөхэ талаар түрүүшын программа зохёогдожо, абтаһантай тэрэнэй нэрые холбонобди. Тэрэмнай мүнөөшье ажалаа үргэлжэлүүлнэ, мүнөө бидэндэ байһан дүнгүүдые тэрэ, Степан Петрович, табиһан байна гэжэ Андрей Дмитриев хэлээ.

– Эсэгэмни волейболдо дуратай байһан, тон ехээр шатарта дуратай һэн. Тэрэнэй эршэ хүсэн мүнөөшье болотор манай зүрхэ сэдьхэлдэ амидардаг. Эмхидхэлэй, дэмжэлгын түлөө та бүгэдэндэ ехэ баярые хүргэнэб, – гэжэ Валерий хүбүүниинь хэлээ. – Эсэгынгээ дурасхаал хэзээдэшье нангинаар үлэхэ.

Степан Прокопьевай дурасхаалда зорюулагдаһан эрэшүүлэй дунда волейболоор нээмэл мүрысөөн тойрогой һууринай хоёр тамирай танхимууд соо – «Лидер» тамирай комплекс болон интернат-һургуулида үнгэргэгдөө. Тойрогой, хизаарай захиргаануудай, мүн тиихэдэ С.П.Прокопьевэй үхибүүдэй, түрэлнүүдэй эмхидхэһэн түрүүшын хамтын хэмжээ ябуулга болоо.

Тус мүрысөөндэ Алайрай, Баяндайн, Боохоной, Эхирэд-Булагадай аймагуудай команданууд хабаадаа. Степан Петровичай түрэлхид «Шаралдай-Жаргаланта» гэжэ өөрын команда табижа, «Прокопьев» гэжэ нэрэтэй футболконуудаар мүрысөө.

Тус мүрысөөндэ Баяндайн аймагай команда эрхимлээ. Алайрай аймагай волейболой команда хоёрдохи һуурида гараа. Шаралдай-Жаргалантынхид гурбадахи һуури эзэлээ.

Эрхим хамгаалагша гэжэ Алайрай аймагай Евгений Спешилов тодороо. Нэгэ доро Баяндайн гурбан наадагшад элдэб шэгнүүртэ тодороо: эрхим добтологшо – Андрей Тармаков, эрхим наада ябуулагша – Герман Пилунов, эрхим наадагша – Ринчин Цыденжапов.

Шагнал барюулгын баяр ёһололые Эхирэд-Булагадай аймагай мэр Геннадий Осодоев, С.П.Прокопьевой үхибүүд – Валерий, Михаил ба Мария, аша басаган Дулма Гомбоева үнгэргөө.

Тус мүрысөөнэй илагшад болон призёрнууд үхибүүдһээ, түрэлнүүдһээ 50 мянган, 40 мянган, 30 мянган түхэригэй мүнгэн шангуудта хүртөө. Тойрогой захиргаан тамиршадта үнэмшэлгэ ба медальнуудые барюулаа. Степан Прокопьевой спортын ветеранууд болон нүхэдынь Шаралдай-Жаргалантын командада волейбольно бүмбэгэ бэлэглээ.

Дополнительные фотографии:  Загрузить / Загрузить