Хатаршадай амжалта

Усть-Орда тосхоной «Тохорюун» хатарай ансамбль «Агуу ехэ цайны замда» гэһэн уласхоорондын фестивалиин 1-дэхи шатын лауреат.

Сентябриин 12-һоо ноябриин 2 болотор Хитад гүрэнэй Үбэр-Монголой Шилинь хотодо «Караван на Великом Чайном Пути» гэһэн Уласхоорондын 12-дохи фестиваль үнгэрбэ.

Мүрысөөнэй программада бэлигтэй хатаршад, дуушад, зүжэгшэд, уран зураашад, циркын зүжэгшэд, дархашуул хабаадаа.

Манай Усть-Ордын тойрогые Светлана Банзаракцаевагай хүтэлбэрилдэг «Тохорюун» хатарай бүлгэмэй басагад түлөөлөө.

Усть-Ордын эдир хатаршад «Арадай стилизованна хатар» гэһэн шэглэлээр хореографиин мүрысөөндэ хабаадаа.

Дунда бүлэгтэ жюри гурбадахи һуури эзэлһэнэй түлөө диплом барюулаа, харин энэ ансамблиин ахамад бүлэг түрүү һуури эзэлбэ.

Хоёр хатарай найруулагша балетмейстер Анастасия Банзаракцаева болоно.