«Буряадай ёһо заншалта һайндэрнүүд»

гэһэн нэрэтэй номтой танилсалга Эрхүү хотодо арадуудай нэгэдэлэй Үдэрэй урда үнгэрбэ. Хэблэлэй автор – Евгения Забеевна Балдынова, арадай аман зохёолой «Аянга» ансамблиин солистка, Эрхүүгэй гүрэнэй университедэй түүхын отделени дүүргэhэн (1959), олон жэлдэ багшаар хүдэлѳѳ.

Ансамбльда хабаадалганиинь гуримшуулга хэхэдэнь, полевой материалые болон тайзанаар ба харагшадтай хүдэлмэреэр шалгалта гараhан практикануудые бэшэхэдэнь, авторта туhалhан байна.

Евгения Забеевнагай хѳѳрэhѳѳр, хэблэл аша басаганайнь гуйлтаар бии болоо – эхирэд буряадуудай ёhо заншалнууд тухай мэдэсэнүүдые залуу үетэндэ сахин хадагалха.

Ном соо түрэ хуримай ёhололнууд, агнууритай, малай мяха эмдэлгын болон загаhа барилгын заншалнууд тодорхойгоор бэшэгдэнхэй. Хэблэлэй дабташагүй шухаг сэнгынь юун бэ гэхэдэ, тэрээн соо баян арадай аман зохеолой материал суглуулагданхай. Текстнүүд буряад хэлэн дээрэ, байгал шадарай буряадуудай эхирэд-булагадай диалект дээрэ үгтэнхэй, оньhон үгэнүүд, дуунууд ба заншалта үреэлнүүд оруулагданхай.

Хэблэл багшанарта, соёлой хүдэлмэрилэгшэдтэ, аман зохёолой коллективуудта болон нютагай заншалнуудые шэнжэлэгшэдтэ зорюулагданхай.

Евгения Балдыновае амаршалхаяа түрэлхид, нүхэд болон арадай аман зохёолой «Аянга» ансамблиин суг хүдэлэгшэд ерээ. Айлшад энэ хэблэлэй нютагай заншалнуудай сахилгада тон шухала байhанииень тэмдэглээ, авторта ехэ оролдостой ажалайнь түлѳѳ баярые хүргѳѳ.

Дополнительные фотографии:  Загрузить / Загрузить / Загрузить