Аркадий Ангажановай дурасхаалай мүрысөөн

Гурбан можо нютагай 400 гаран тамиршадай хабаадалгатай Аркадий Ангажановай дурасхаалда зорюулагдаһан сүлөөтэ барилдаагаар заншалта мүрысөөн Боохон тосхондо октябриин 31-дэ үнгэргэгдөө.

Энэ хэмжээ ябуулгада тойрогой захиргаанай хүтэлбэрилэгшын орлогшо Лариса Романова, Гүрэнэй Дүүмын депутат Вячеслав Мархаев, Боохоной аймагай мэр Эдуард Коняев, Оһын аймагай мэр Борис Хошхоев болон бусад хабаадаа.

Аркадий Ангажановай хани нүхэр Анна Рафаиловна, басаган Виктория, түрэлнүүдынь, һурагшадынь, суг хүдэлһэн нүхэдынь, мүн тамирай ветеранууд ерэжэ дурасхаалаа хүндэлөө.

Бүхэли үдэрэй туршада 12 шэгнүүрэй тамиршадай хоорондо тулалдаанууд хэдэн хибэс дээрэ болоо.

Мүрысөөнэй һүүлээр Боохоной аймагай барилдаашад шангай хахад һууринуудые эзэлээ. Мүрысөөндэ хабаадагшад эдир тамиршадай эрхим һорилго, хэмжээ ябуулга үндэр хэмжээндэ эмхидхэһые тэмдэглээ.

2015 ондо түрэһэн болон бүри залуугай шэгнүүртэ турнирай чемпионууд – Захар Потехин (24 кг, Үбэр Байгалай хизаар), Владимир Мамлаев (27 кг, Тулун), Егор Торбеев (30 кг, Нүхэд), Дмитрий Щуренко (33 кг), Михаил Торонов (36 кг, Боохон) болоо.

2011-2014 онуудта түрэһэн барилдаашадай дунда чемпионой нэрэ зэргэдэ Василий Сушкин (35 кг), Тимур Никифоров (42 кг), Кирилл Любимов (45 кг, Боохон), Денис Цыпышев (38 кг, Улаан-Үдэ) хүртөө.

2008-2010 онуудта түрэһэн тамиршадай дунда – Егор Манжиханов (48 кг), Даниил Сушкин (51 кг), Кирилл Казаков (65 кг, Боохон), Ренат Камалов (60 кг, СШОР «Спарта»), Жамсо Бадмаев (65 кг дээшэ шэгнүүртэ, ЦСКА Эрхүү).

Илагшад болон призёрнуудто мүрысөөнэй эбээн тэдхэгшэдэй зүгһөө медальнууд, кубогууд, мүнгэн шангууд барюулагдаа.

Мүрысөөнэй түгэсхэлэй тулалдаан абсолютно чемпионадай финалда ороһон тамиршадай хоорондо барилдаан болоо. Боохоной барилдаашан Кирилл Казаков илагша боложо гараа. Бүһэ, чемпионой кубок, амиды хуса барюулагдаа.