«АРТ-резиденци. Усть-Орда»

Ноябриин 14-дэ Усть-Орда тосхондо арадай уран олзоборилгын Үндэhэтэнэй түбэй «AРТ-резиденци. Усть-Орда» гэhэн гол түгэсхэлэй хэмжээн ноябриин болобо.

Дүрбэдэхиеэ үнгэргэгдэһэн хэмжээ ябуулган Усть-Ордын Буряадай тойрогой болон Ойхон аймагай эрхим уран зураашадые, дархашуулые, соёлой ажалшадые суглуулаа.

Зүблөөнэй зорилго хадаа 2025 оной дүнгүүдые согсолжо, 2026 оной түсэбүүдые зүбшэн хэлсэжэ, Эрхүү можодо арадай уран бүтээлнүүдые сахиха, шудалха, дэлгэрүүлхэ талаар оролдолгонуудые урагшань ябуулха байгаа.

Усть-Ордын Буряадай тойрогой захиргаанай хүтэлбэрилэгшын орлогшо Андрей Дмитриев, арадай уран гартанай үндэhэтэнэй түбэй захирал Ирина Дампилова гэгшэд амаршалгын үгэнүүдээр сугларагшадта хандаба.

Энэ программада семинарнууд, зохёохы уулзалганууд, мастер-классууд үнгэрөө.

Эрхүү можын ниитын эмхинэй гүйсэдхэхы дарга Елена Гусева «Оникс» гэһэн арадай уран бүтээлэй болон урлалай уран гартанай мастернуудай нэгэдэлэй эмхиин ажаябуулга тухай элидхэл хэһэн байна. Мүн тиихэдэ «Возможности для реализации творческого потенциала в мероприятиях Усть-Ордынского Национального центра художественных народных промыслов» гэһэн семинар болоһон.

Эрхүүгэй областиин арадай уран зураашан, Боохоной аймагай Александровскын hургуулиин багша, 2022, 2024 онуудай «Алтаргана» гэһэн Бүхэдэлхэйн буряадуудай фестивалиин илагша Александр Шипняговай «Деревянная симфония» гэһэн бүтээлнүүдэйнь выставкэ нээгдээ. Эндэ модошо дархан хореод хүдэлмэринүүдээ асараа.

Александр Анатольевич сугларагшадта өөрынгөө бүтээлнүүд тухай хөөрэбэ.

Хэмжээ ябуулган соо гурбан мастер-классууд эмхидхэгдээ.

Буряад уран зурагай щадабаритай мэдээжэ уран зураашан Анатолий Цыденов танилсуулба.

Уран зураашын бүтээлнүүд уран зурагай хуушан буряадай маягай мүнөө үеын тайлбариие түлөөлнэ, тэрээн соонь Монголой Улаан-Баатарай Соелой уран зурагай һургуулида һураһан «Монгол Зураг» маягай нүлөө эли тодоор харагдана.

Анатолий Цыденов зохёол соогоо «буряад зураг» маягай үгэдэг бүхы онсо шэнжэнүүдые, арга боломжонуудые дүүрэн хэрэглэнэ.

Зохёолнуудайнь сэдэбүүд буддын шажанай бурхадай зураглалтай, үльгэр домогуудтай, буряад арадай үдэр бүриин ажабайдалтай нягта холбоотой.

Зүүн Сибириин соелой дээдэ hургуулиин декоративно-прикладной искусствын кафедрын ахалагша багша Борис Надмитов чеканкаар мастер-класс харуулаа.

Борис Валерьевич хабаадагшадые «Үлзы – жаргалай һүлдэ» зүүдхэлдэ һургаа.

Буряад эхэнэрнүүдэй «Биизга» малгай оёхо аргада ЦХНП-гэй уран зурааша ба шэмэглэгшэ, Эрхүү можын арадай уран зурааша Юлия Харгаева дуратайшуулые һургаба.

«Буряадай баатарлиг эпос» гэһэн можо хоорондын эрдэмэй-практическа конференциин материалнуудтай танилсалга мүн лэ болоо.

Энэ хэмжээ ябуулга 2025 оной эрхим уран гартанда албан ёһоной шагнал барюулагдажа түгэсэбэ.

«Эрхим уран дархан-2025» мүрысөөнэй илагшадаар Валентина Никитина (Оһын аймаг), Галина Иванченко (Ойхон аймаг), Ольга Хахалева (Боохоной аймаг), Анна Сосова (Алайрай аймаг) гэгшэд нэрлэгдэбэ.

«Эрхим хүтэлбэрилэгшэ-2025» номинацида илагшад Боохоной хүүгэдэй урлалай һургуулиин захирал Валентина Никитина, Баяндайн хүүгэдэй урлалай һургуулиин уран зурагай таһагые даагша Марина Мархеева болобо.

Форум тойрогой уран гартанай болон соёлой эмхинүүдэй удха шанартай хэмжээ ябуулга боложо, заншалта уран бүтээлдэ һонирхолтой байһые баталаа.

Дополнительные фотографии:  Загрузить / Загрузить / Загрузить / Загрузить / Загрузить