Буряад хэлэн «Востогой» дайшадта туһалһаа

Буряад хэлэ мэдэхэ гээшэ Запорожско можын Новое Запорожье тосхон амжалтатай сүлөөлхэ шалтагаануудай нэгэн байгаа гэжэ «Восток» сэрэгэй бүлгэмтэй, «Кореец» гэһэн дуудалгатай стрелок тэмдэглэбэ.

Тэрэнэй хэлэһээр, сэрэгшэд буряад хэлэн дээрэ өөһэд хоорондоо хэлсэдэг байгаа.

«Түрэл буряад хэлэеэ хэрэглээбди. Дайсад манай хэлэ ойлгоногүй, тиимэһээ энэ бэхижүүлгэ абаабди. Хэлэеэ огто ойлгоногүй хадань, шагнаха арга үгөөгүйбди», – гэжэ РИА Новости тэрэнэй хэлэһые дурдана.

Энэнь ород сэрэгшэдтэ дайсанай барижа абахаһаа айхагүйгөөр захиралтануудые нюусаар дамжуулха, үйлэ хэрэгүүдые зохёон байгуулха боломжо олгодог гэжэ сэрэгшэ тэмдэглэбэ.

Энээнһээ урид, ноябриин 22-то, Россиин Минобороны Новое Запорожье хотые российска «Восток» бүлгэм сүлөөлбэ гэжэ дуулгаа һэн.