Мэргэн годлинуудай урилдаан

Усть-Орда тосхоной «Лидер» гэһэн тамирай болон элүүржүүлгын комплекс соо һур харбалгаар нээмэл можо нютагай мүрысөөнүүд үнгэрөө. Тэрэниие тамирай һургуулиин захирал Павел Сендыхеев амаршалаа. Энэ мүрысөө Усть-Ордын Буряадай тойрогой захиргаан, Эрхүү можын тамирай министерствэ, Эхирэд-Булагадай аймагай захиргаан, областиин һур харбалгын федераци эмхидхэһэн байна.

Мүрысөөнэй нээлгэндэ Россиин тамирай министрэй Баярай бэшэг «Тамир» гэһэн спортын һургуулиин ахамад һоригшо Саяна Янхаевада барюулагдаа.

Турнирта тойрогой зургаан аймагуудай болон болон Эрхүү хотын 180 эдир тамиршад суглараа. Эдир һур харбаашад классическа ба блочно һур харбаан гэһэн хоёр шэглэлээр мүрысөө. Түрүүшын үдэр дүнгүүд эгээл залуу наһанай бүлэгтэ – 2012 ондо түрэһэн ба тэрээнһээ бага наһанай хабаадагшадта соносхогдоһон байна.

Басагадай дунда Алайрай аймагай Евгения Долгорова, харин хүбүүдэй дунда Эрхүүгэй Константин Ильин эрхимэлээ. Оһын аймагай Лидия Антонова хоердохи, Артем Абрамчук гурбадахи һуури эзэлээ.

2010-2011 онуудай дунда классическа харбалгаар Эрхүү хотын «Приангарье» һургуулиин Александр Сергиенко илагша болобо. Оһын аймагай Баир Лаврентьев гурбадахи һуурида гараба. Басагадай дунда Усть-Орда тосхоной Тамир һургуулиин Алина Романова илаба. Боохоной Туяна Дардаева гурбадахи призер болобо.

2008-2009 онуудта түрэһэн хүдбүүд соо Эрхүүгэй Сергей Карымов илаба. Басагадай дунда Елена Бурлова (Усть-Орда) шалгараа. Мүн лэ устьордын Александра Маргулеева бронзодо хүртөө.Блочно харбалгаар эрхүүгэй тамиршад булта шалгарба. Харин басагадай дунда устьордынхид илагша Зоя Баендуева болон Полина Комиссарова, Анастасия Смоколина призернууд болобо.

Дополнительные фотографии:  Загрузить / Загрузить