Түрэл хэлэнэй мүрысөөн

Ноябриин 26-да буряад хэлэнэй окружной олимпиада онлайн түхэлөөр үнгэрбэ.

Округой захиргаанай үндэhэн гэгээрэлэй таhаг буряад хэлээр 5-дахиhаа 9-дэхи класс болотор окружной олимпиада эмхидхэбэ.

Түрэл хэлэнэй шудалгын шанарые сэгнэхэ, бэрхэ үхибүүдые элирүүлхэ, тэдэниие урмашуулха гэhэн эрилтэнүүд тус хэмжээнэй зорилго болоно.

Эндэ муниципальна хэмжээнэй олимпиадануудай шалгарагшад, бүхыдөө 96 hурагшад сугларба.

Эгээ олон Оһын аймагай 23 һурагшад болоно. Тэдэнэр урдахи жэлнүүдэй мүрысөөнэй илагшад, призернууд.

Хабаадагшад буряад хэлэнэй hуралсалай программаар тестнүүдые, творческо даабаринуудые дүүргээ.

Энэ жэл тойрогой аймагуудай, Ойхоной болон Ангарскын районой Хүтиин һургуулинууд хабаадаба.

Эрхүү можын болбосорол хүгжөөлгын дээдэ һургуулиин этнорегиональна һуралсалай түбэй мэргэжэлтэд олимпиадын даабаринуудые бэлдэһэн байна.

Олимпиадын дүнгөөр 5-дахи классай дунда түрүүшын һуури Оһын аймагай Үбэсын һургуулиин Алтана Убанова эзэлбэ (хүт. А.И. Ильина). Хоердохи һуури Ангарскын тойрогой Одинскын Евгений Богусаров (хүт. А.Ш. Барданова), гурбадахи – Үбэсын һургуулиин Мария Ербаткова (хүт. А.И. Ильина) эзэлээ.

6-дахи классай дунда Оһын аймагай Бэлшэрэй һургуулиин Олеся Хамгушкеева илагша болобо (хүт. Е.Р. Хамагаева), Үбэсын һургуулиин Анна Халматова хоердохи һуури эзэлээ (хүт. С.И. Башлеева), гурбадахида Эхирэд-Булагадай аймагай Олойн һургуулиин Ирина Адушинова гараба (хүт. А.Т. Татарова).

7-дохи классай дунда Үбэсын һургуулиин Надежда Касьянова шалгарба (хүт. Т.Г. Шадаева). Эхирэд-Булагадай аймагай Олойн һургуулиин Диана Мадасова хоердохи һуури эзэлээ (хүт. А.Т. Татарова). Гурбадахи дүн Үбэсын Кирилл Хамаганов харуулаа (хүт. Т.Г. Шадаева).

8-дахи классай дунда Үбэсын һургуулиин багша Светлана Ивановна Башлеевагай шабинар Ангелина Хамгушкеева, Арина Сергеева гэгшэд нэгэдэхи, хоердохи һууринуудые эзэлээ. Гурбадахи һуури Эхирэд-Булагадай аймагай Байтагай һургуулиин София Мальчикова абаба (хүт. Л.Г. Ханхасаева).

9-дэхи классай дунда Бэлшэрэй һургуулиин Клара Татарова илалта туйлаа (хүт. В.Б. Хартанова). Үбэсын һургуулиин Зинаида Трубачеева хоердохи (хүт. А.Г. Хамгушкеева), гурбадахи һуури Эхирэд-Булагадай аймагай Хөөрсэгэй һургуулин Елизавета Хамеруева (хүт. И.В.Ольхеева) абаба.

Дополнительные фотографии:  Загрузить / Загрузить