Хөөрсэгэй багшанарай дүй дүршэл

Эхирэд-Булагадай аймагай Хөөрсэгэй дунда юрэнхы hургуулида Эрхүүгэй областиин ниитэ hуралсалай эмхинүүдтэ 6-дахи классай hурагшадта «Буряад хэлэн» гэhэн зааха методикын комплект туршалгын онсо шэнжэнүүд» гэhэн семинар-практикум үнгэрбэ.

Энэ хэмжээ ябуулгада эхин классуудай багшанар, түрэлхи хэлэнэй болон уран зохёолой багшанар, ниитэ һуралсалай эмхинүүдэй апробациин талмайнуудай хүтэлбэрилэгшэд болон орлогшонор, Усть-Ордын Буряадай тойрогой болбосоролой методистнар, Доржо Банзаровай нэрэмжэтэ Буряадай гүрэнэй ехэ һургуулиин буряад һургуулиин хүтэлбэрилэгшэд, тойрогой захиргаанай үндэһэн хэлэнүүдэй таһагай мэргэжэлтэд хабаадаа.

Эрхүү можын болбосорол хүгжөөлгын институдай этнорегиональна болбосоролой түб энэ семинар эмхидхэһэн байна.

Уулзалгада Хөөрсэгэй hургуулиин багша Инга Ольхеева 6-дахи классай hурагшадта «Заншалта болоһон буряад эдеэн» гэhэн сэдэбээр буряад хэлэнэй хэшээл харуулаа.

Эхин классуудай багша Валентина Бодеева «Буряад эдеэн амтатай даа» гэһэн классһаа гадуур хүдэлмэри харуулаа.

Технологиин багша Сергей Ташмаев семинарай хабаадагшадта «Буряад гоёолтонууд» гэһэн мастер-класс дурадхаба.

Туршалгын түсэл урагшатай бэелүүлэгдээ гэжэ багшанар тэмдэглээд, үхибүүдэй ба түрэлхидэй һуралсалай-методическа комплектдэ һонирхол харуулаа.

Дополнительные фотографии:  Загрузить / Загрузить