Эрхимэй эрхим

Оhын аймагай Yлеэн дунда hургуулиин эхин шатын багша Лариса Шаданова «Буряад хэлэн» гэhэн hуралсалай-методическа комплект хэрэглэн, буряад хэлэнэй хэшээлнүүдэй методическа хүгжөөлгын 2-дохи региональна мүрысөөнэй илагша гээд тодороһон байна.

Тус мүрысөөн Эрхүү можын һургуулинуудта буряад хэлэ зааха эрхим педагогикын дүй дүршэлнүүдые элирүүлхэ, дэлгэрүүлхэ зорилготой юм. Эхин классуудай багшанар, мүн тиихэдэ Усть-Ордын Буряадай тойрогой болбосоролой эмхинүүдэй буряад хэлэ бэшэгэй багшанар хабаадаа. Оhын, Нүхэдэй, Эхирэд-Булагадай аймагуудай багшанар хамта дээрээ 16 методическа хүдэлмэринүүд тушаагдаа.

Мүрысөөнэй призернууд Оһын аймагай багшанар Наталья Хуригалова (Yлеэ), Нелля Шатханова (Ново-Ленино), Александра Яковлева (Ново-Ленино), Инна Туморхонова (Yлеэ) гэгшэд болоһон байна.

Буряад хэлэ заалгые хүгжөөжэ, аймагай һургуулиин һурагшадта мүнөө сагай һуралсалай хэрэгсэлнүүдые зохёожо байһан эдэ багшанарай мэргэжэлэй үндэр хэмжээн энэ мүрысөөн үшөө дахин баталагдаа.