Россиин МЧС-тэ 35 жэл

Декабриин 27-до Россиин Абарагшын үдэр тэмдэглэгдэнэ. Энэ үдэр бүхы Росси гүрэнэй абарагшад – үндэр мэргэжэлтэд, өөрынгөө һалбарида ёһотой мэргэжэлтэд һайндэрөөрөө амаршалгын үгэнүүдые абадаг заншалтай.

Тэдэнэй уряа хадаа «Һэргылэмжэ, абаралга, туһаламжа». Тэдэнэр ами наһанда аюултай эгээл хүндэ даабаринуудые ба үүргэ дүүргэдэг.

Һайндэрэй урда Усть-Орда тосхондо «Эрдэм» ККЗ-дэ баяр еһололой хэмжээ ябуулган үнгэрбэ.

Эндэ Оһын, Баяндайн, Боохоной, Эхирэд-Булагадай, Ойхоной, Жигаловай, Хаашагай абарагшадта хүндэлэл үзүүлэгдээ.

Округой захиргаанай хүтэлбэрилэгшын зүгһөө орлогшонь Андрей Дмитриев амаршалан, МЧС-эй хүдэлмэрилэгшэд болон ветерануудта Хүндэлэлэй грамотануудые, Баярай бэшэгүүдые барюулаа.

Мэргэжэлтэ һайндэртөө олон тоото хүдэлмэрилэгшэд элдэб хэмжээнэй шагналнуудта хүртэбэ.

Гүрэнэй дуу болон хатарай «Талын аялганууд» ансамблиин артистнар хүгжэмтэ номернуудые бэлэглээ.

Дополнительные фотографии:  Загрузить / Загрузить