Буряад хэлэ үзэлгын шэнэ арганууд

Буряад Уласта «Мүнөө үедэ буряад хэлэ болон уран зохёол заалгада хэмэл ухаанай арга нөөсэ хэрэглэлгэ» гэһэн республикын хэмжээнэй эрдэмэй-практическа семинар үнгэрбэ.

Тус хэмжээ ябуулга «Республикын үндэһэтэнэй 1-дэхи лицей-интернат» гэһэн уласай болбосоролой эмхидэ эмхидхэгдэһэн байна. Эндэ хэлэ бэшэгэй эрдэмтэд, буряад хэлэ болон уран зохеолой, информатикын багшанар Буряад Уласһаа, Үбэр-Байгалай хизаарһаа, Эрхүү можоһоо хабаадаа.

Семинарай зорилго буряад хэлэ ба уран зохёол заалгада искусственна интеллект хэрэглэн, мүнөө үеын арга боломжонуудые зүбшэн хэлсэхэ байһан.

Тэрэ тоодо буряад хэлэнэй лингвистическэ шэнжэлэлгын (автоматическа морфологическа шэнжэлэл, хэлэлгэ таниха, машинна оршуулга ба синтаксическа шэнжэлэл) хэхэдээ, ИИ-гэй арга боломжонуудые хаража үзэхэ, буряад хэлэнэй хэшээлнүүдтэ ИИ-гэй практическа хэрэглэлгэ тухай хэлсэлгэ хэлэлгын дадалга хэхэ чатботууд, адаптивна даабаринууд, интерактивна упражненинүүд, тусхай һуралсалай замуудые дурадхаба.

Семинарай үедэ хабаадагшад «Буряад хэлэ заалгада искусственна интеллектын арга боломжонууд» гэһэн презентаци – болбосоролдо буряад хэлэ сахин хүгжөөхэ ИИ-технологинууд тухай обзор, буряад хэлэ ба литературын хэшээлнүүдтэ инновационно технологинуудые хэрэглэлгын методическа материалнууд, жэшээлхэдэ, нааданай технологинууд, мэдээсэлэй ба харилсаанай, шүүмжэлхы ба зохёохы ухаан бодол хүгжөөхэ технологинуудые хаража үзэхэ аргатай байгаа.

Манай тойрогой аймагуудай багшанарай һанамжаар, энэ хэмжээ ябуулга баян, хэрэгтэй, удха шанартай байгаа гэжэ тэмдэглэбэ.