Түрэл хэлэнэй һара соносхогдохо

Февралиин 18-һаа манай тойрогой захиргаан hуралсалай эмхинүүдэй дунда Россиин арадуудай эблэлэй Жэлдэ зорюулагдаhан буряад хэлэнэй габшагай hара соносхохо юм.

Тэрэнэй эмхидхэгшэ округой захиргаанай үндэhэн хэлэнэй талаар таhаг болоно.

Түрэл хэлэеэ хүндэлэн дээрэ үргэжэ, еhо заншалаа, арадайнгаа hургаал заабаринуудые арюун сэбэрээр сахижа ябаха зорилго тус хэмжээн хараална.

Һарын туршада Усть-Ордын Буряадай тойрогой hургуулинуудта буряад хэлээр элдэб мүрысөөнүүд үнгэрхэ. Харин үндэhэн хэлэнэй таhаг удаадахи творческо мүрысөөнүүдые соносхобо.

«Элдэб арадуудай үльгэрэй баатарнууд» (Россиин арадуудай үльгэрнүүдһээ геройнуудай образ байгуулха) гэһэн зурагай мүрысөөн һургуулиин урда тээхи болбосоролой эмхинүүдэй шабинарай дунда («Уран һайханай зохёохы» болон «Уран зохёолой номинаци»).

1-4-дэхи классуудай һурагшадай дунда «Радуга дружбы» Россиин арадуудай хатарые гүйсэдхэлгэ гэһэн видео-мүрысөөн («Хүгжэмэй творчество»).

5-8-дахи классуудай һурагшадай дунда «Бидэ ондо ондообди – бидэ хамта байнабди!» гэһэн видеоблогернуудай мүрысөөн. (Россиин элдэб арадуудай ёһо заншал, арадуудай һайндэрнүүд тухай хөөрөөн) Уран һайханай творчество» болон «Уран зохёол» гэһэн номинаци.

9-11-дэхи классуудай болон тусхай дунда һуралсалай эмхинүүдэй оюутадай хоорондо «Хамтадаа бидэ хүсэтэйбди!» гэһэн видео мүрысөөн олон яһатан ороноймнай ажаһуугшадай үндэһэ яһатан хоорондын амжалтатай харилсаха жэшээнүүдые олондо дэлгэрүүлхэ зорилготойгоор Россиин арадуудай түүхэдэ ба мүнөө сагта хамтын ажал ябуулга тухай удха шанартай үйлэ хэрэгүүдэй харуулалга.

Февралиин 21-дэ уласхоорондын түрэл хэлэнэй үдэр социальна сетьнүүдтэ «Түрэл хэлэн дээрэ хэлэнэб» гэhэн акциин дэргэдэ Россиин арадуудай хэлэн дээрэ үреэлнүүд зэдэлхэ.

Һарын туршада тойрогой захиргаанай үндэһэн тамирай зүйлнүүдэй таһаг округой хүүгэдэй сэсэрлигүүдэй болон эхин классуудай үхибүүдэй дунда Шагай наадаар мүрысөөнүүдые эмхидхэхэ.

Үндэһэн номой сан «Түрэл хэлэн дээрэ уншанабди» гэһэн онлайн-челлендж соносхохо.

Харин музей 7-8 классуудай дунда «Үндэһэтэнэй музейн таабаринууд» гэһэн хэмжээ ябуулга үнгэргэхэ.