«Баян гол» түбэй нээлгэ

Үнгэрһэн пятницада Эрхүү хотодо гансата хоёр хэмжээ ябуулган үнгэрөө: «Баян гол» гэһэн соёлой байшанай болон «Буряад соёлой түб» гэһэн Эрхүү можын ниитын эмхиин эмхидхэһэн «Буян үйлэдэлгын дүхэригэй» («Круг благотворителей») нээлгэ. Энэ хэмжээ ябуулгада соёл болон болбосоролой үүсхэлнүүдые хүгжөөлгэдэ мүнгэн суглуулагдаа.

Тус хэмжээ ябуулгада гүрэнэй зургаануудай, олзын хэрэг эрхилдэггүй эмхинүүдэй, олзын хэрэг эрхилэгшэдэй түлөөлэгшэд хабаадаа. Тэдэнэй тоодо Усть-Ордын Буряадай тойрогой захиргаанай хүтэлбэрилэгшын орлогшо Лариса Романова, Байгал шадарай үндэһэн арадуудай соёлой түбэй захирал Александр Стариков ба Зоригто Батуев, Усть-Ордын дасанай Шэрээтэ лама, тиихэдэ тойрогой зургаан аймагай болон Ойхон аймагай захиргаануудай болон ниитын эмхинүүдэй түлөөлэгшэд. Тус түсэлнүүдтэй танилсалга уулзалгын үүсхэл гаргаһан Буряад соёлой түбэй захирал Оксана Афиногенова эмхидхээ.

Программын гол хубинь – «Баян гол» гэһэн соёлой байшан, «Батрушаһаа нааданхайнууд» гэһэн болбосоролой үүсхэл, «Хатан Дархан» гэһэн уран һайханай студи гэһэн гурбан ниигэмэй удха шанартай түсэлнүүдтэй танилсалга болоо. Түсэлнүүдэй хүтэлбэрилэгшэд Лариса Амагабазарова, Евгения Ханхасаева, Александра Михайлова гэгшэд проектнүүд тухайгаа хөөрэбэ. Александр Стариков, Зоригто Батуев, «Сильвер Фонд» буян үйлэдэлгын жасын захирал Ася Дэвидсон гэгшэд элшэн сайдай тушаал эзэлээ.

Гурбан түсэлнүүд булта мүнгэн тэдхэмжэдэ хүртөө. Суглуулагдаһан мүнгэн тэдэнэй хүгжөөлгэдэ, түсэблэгдэһэн программануудай бэелүүлгэдэ шэглүүлэгдэхэ юм.

Энэ үдэшын шэмэг хадаа саксофонист Андрей Гедеоной, «Логос» студиин, «Аянга» ансамблиин гэшүүдэй, мүн Нүхэдэй аймагай Ольга ба Светлана Николаевтанай дуэт болоһон байна.

«Буян үйлэдэгшэдэй дүхэриг» («Круг благотворителей») формат хадаа буян үйлэдэгшэдтэ үүсхэлнүүдээ нээлтэтэйгээр харуулха, сэхэ харилсаанай аргаар мүнгэ суглуулха гэхэ мэтэ. Энэ арга ганса түсэлнүүдые дэмжэнэ бэшэ, харин засагай газарай, соёлой, бизнесэй, ниитын эмхинүүдэй түлөөлэгшэдые тэдэнэй тойроод нэгэдүүлнэ. Жэшээнь, хэмжээ ябуулгануудай болоһон «СильверМолл» гэһэн худалдаа наймаанай түбэй хүтэлбэри Буряад соёлой түбтэ 50 мянган түхэригэй үнэмшэлгэ барюулаа.

 

***

В Иркутске прошло открытие культурного центра «Баян гол» и Круг благотворителей.

Гостями мероприятия стали представители органов власти, некоммерческих организаций и бизнеса.

Ключевой частью программы стала презентация трёх социально значимых проектов: культурного центра «Баян гол», образовательной инициативы «Игрушки от Батруши» и арт-студии «Хатан Дархан».

Все три проекта на встрече получили финансовую поддержку благотворителей. Собранные средства направят на их развитие и реализацию намеченных программ.

Дополнительные фотографии:  Загрузить / Загрузить